: Rise SL fulldempað rafmagnsfjallahjól forpöntun

Rise SL vegur frá aðeins 17 kg, sem er einstaklega létt fyrir rafmagnsfjallahjól. Fyrir vikið hagar það sér líkt og hefðbundið fjallahjól, lipurt og leikandi, sem gerir það einstaklega skemmtilegt á fjallahjólaslóðunum!

Allar týpur af Rise SL koma með 140 mm FOX 36 SL framdempara og 140 mm fjöðrun að aftan. Létt og skilvirk fjöðrun með hraðri trail geometríu, sem hentar frábærlega í lengri túra og flæðandi slóða.

Þetta er kraftmesta Rise hjólið hingað til. Nýjasti mótorinn frá Shimano skilar allt að 100 Nm og 600 W en vegur aðeins 2,3 kg. Hann er hljóðlátari og næmari en áður og er með nóg af afli til að bruna upp erfiðustu klifrin!

Þú skiptir á milli tveggja stillinga í fjarstýringunni. RS stillingin (allt að 85 Nm og 400 W) gefur náttúrulega tilfinningu og hámarkar drægni, á meðan RS+ gefur þér fullt afl, 100 Nm og 600 W. Með Superboost takkanum færðu svo fullt afl tímabundið í bröttustu brekkunum.

Lítil og nett fjarstýring stýrir bæði aðstoðinni frá mótornum og dropper sætispípunni, án þess að þú þurfir að færa hendurnar á stýrinu. LED ljós sýna hvaða aðstoð er stillt á og stöðuna á batteríinu.

Allir íhlutir kerfisins tengjast aðal batteríinu, svo það eru engin auka batterí sem þarf að muna eftir að hlaða. Stýrið verður líka einstaklega stílhreint og um 350 g léttara en með hefðbundnum skjá og dropper handfangi.

Smelltu tvisvar á takkann og hnakkurinn lækkar um 20%, sem er frábært á tæknilegum köflum. Hægt er að stilla hversu mikið hann lækkar í RS appinu.

Smelltu einu sinni á takkann og sætispípan er tilbúin, hnakkurinn fer svo niður þegar þér hentar. Þannig heldur þú báðum höndum á stýrinu þegar mest á reynir.