: Vector borgarhjól forpöntun

Vector er létt og lipurt borgarhjól sem er hannað til að gera daglegu ferðirnar um borgina þægilegar og skemmtilegar. Stellið er úr áli, lágt svo auðvelt sé að stíga á og af hjólinu, og hannað til að draga úr titringi frá ójöfnum götum og stígum. Hjólið kemur með öflugum vökvadiskabremsum, 27,5" gjörðum og SP Connect símafestingu, og er fáanlegt í mismunandi útgáfum með eða án bretta, ljósa, standara og bögglabera, og annað hvort með keðju og 9 gírum eða belti og innbyggðum 7 gírum fyrir þau sem vilja lágmarksviðhald. Vector er hannað til að taka lítið pláss í geymslu, en það er fáanlegt með pedölum sem er hægt að fella að hjólinu og stýri sem er hægt að snúa. Þetta er draumahjól fyrir þau sem vilja einfalt og fallegt hjól til að komast á milli staða í stíl.

Gjarðir

27,5"

Gírar

7 eða 9

Stærðir

S - XL

Stell

Ál

Gert fyrir hversdaginn

Vector er stillt fyrir göturnar eins og þær eru í raun, með hellum, holum og kantsteinum. Þú hefur fulla stjórn og hjólið rúllar mjúkt og öruggt.

Lagar sig að þér

Fjöldi aukahluta og útfærslna er í boði, svo að hjólið passi við það sem dagurinn þinn kallar á.

Sportlegt og þægilegt

Hvert smáatriði í Vector er hannað fyrir daglega notkun. Stellið mýkir ójafnar götur án þess að hjólið hætti að vera sportlegt og skemmtilegt, og geometrían gefur þér örugga og nákvæma stýringu.

Auðvelt að stíga á

Stellið er lágt þar sem efri stöngin mætir sætisrörinu. Það er því auðvelt að stíga á og af hjólinu, og gefur Vector um leið sitt sportlega útlit.

Twin Glide þægindi

Twin Glide er einkaleyfisvarin hönnun frá Orbea. Langt sætisrör, stutt af tvöföldu röri, gefur aðeins eftir og dregur úr titringi frá götunni, án þess að hjólið missi stöðugleika eða nákvæma stýringu.

27,5"
gjarðir

27,5" gjarðir gefa pláss fyrir breiðari dekk án þess að hjólið verði þungt í rúllinu. Þú færð lipurt hjól með gott grip og þægindi á misjöfnum götum.

Öflugar
bremsur

Sama hvaða Vector þú velur, þá kemur það með öflugum vökvadiskabremsum sem stoppa hjólið örugglega þegar á þarf að halda.

Dynamo
ljós

Vector 20 og 10 koma með fram- og afturljósi sem ganga fyrir Shimano dynamo í framgjörðinni. Ljósin eru alltaf til taks og það þarf aldrei að hlaða þau.

Tilbúið í daginn

Vector er hannað til að passa inn í daginn þinn. Með bögglaberum, brettum og festingum fyrir síma og lás setur þú hjólið upp eins og hentar þér.

Síminn
á stýrinu

Öll Vector hjólin koma með SP Connect símafestingu á stammanum, svo að þú sjáir leiðina í símanum á meðan þú hjólar.

Sterk
bretti

Vector 20 og 10 koma með álbrettum með sterkum festingum sem þola daglega notkun, allan ársins hring.

Festingar
fyrir lás

Festipunktar undir efri stönginni og á neðri stönginni halda lásnum þínum á sínum stað. Einnig er hægt að fá ABUS lás sem er festur á stellið, þægilegt þegar þú skreppur inn á kaffihús.

Taktu allt með

Hvort sem þú ert að versla, hjóla í vinnuna eða með barn í barnastól, þá er til útfærsla af Vector sem ber það sem þú þarft.

Bögglaberi
að framan

Vector 25 kemur með léttum bögglabera að framan sem ber allt að 10 kg. Hann er festur á stellið, svo að hjólið stýrist eðlilega þó að hann sé hlaðinn, og teygjur halda farangrinum á sínum stað.

20 kg
bögglaberi

Vector 20 og 10 koma með bögglabera að aftan sem ber allt að 20 kg. Hann tekur venjulegar hjólatöskur og smellukerfin frá MIK og Ortlieb.

30 kg
bögglaberi

Á Vector 20 og 10 er líka hægt að velja sterkari bögglabera sem ber allt að 30 kg, til dæmis fyrir barnastól eða þyngri farangur.

9 gíra Shimano CUES

Vector 25 og 20 koma með 9 gíra Shimano CUES skiptingu með breiðu gírasviði, svo að þú finnur alltaf þægilegan gír hvort sem gatan liggur upp eða niður. Hún skiptir mjúklega, líka undir álagi.

Belti og 7 gírar

Vector 10 kemur með belti í stað keðju og 7 gíra Shimano Nexus gírum sem eru lokaðir inni í afturnafinu, varðir fyrir veðri og sliti. Hljóðlátt, hreint og þarf lágmarks viðhald.

Létt í meðförum

Gott borgarhjól snýst um meira en hjólatúrinn sjálfan. Vector er létt og meðfærilegt, hvort sem þú berð það upp stiga, rúllar því inn í lyftu eða kemur því fyrir í geymslunni.

Stýri sem
snýst

Hægt er að fá Vector með stamma sem leyfir þér að snúa stýrinu um 90°. Þannig tekur hjólið mun minna pláss í þröngum gangi, geymslu eða hjólastæði.

Pedalar sem
leggjast

Einnig er hægt að fá pedala sem leggjast upp að hjólinu á augabragði. Þeir eru sterkir og með góðu gripi, þó að þeir séu samanbrjótanlegir.

Nett
hjól

Lág efri stöng og stutt hjólhaf gera Vector lipurt á ferð og þægilegt í meðförum þar sem plássið er lítið.

Finnur þú ekki það sem þú ert að leita að? Sendu okkur þá línu og við hjálpum þér að finna draumahjólið!

ofsi@ofsi.is