ORCA M30 2024

Glæný útgáfa af Orca götuhjólinu sem er í þetta sinn hannað til að vera létt eins og fjöður. Hjólið kemur í tveimur carbon útgáfum OMX og OMR. OMX útgáfan er fyrir þau allra kröfuhörðustu en stellið vegur einungis 745 grömm og fæst allt að 6,7 kg létt, á meðan OMR útgáfan vegur einungis 1030 grömm. Það er ekkert sem jafnast á við tilfinninguna við að hjóla á fisléttu hjóli sem skilar öllu aflinu úr fótunum strax! Þótt að hjólið sé létt þá passaði Orbea upp á að hjólið væri stíft eins og fyrri útgáfur af hjólinu, þar að auki reyndi Orbea að lágmarka alla loftmótstöðu á hjólinu með því að leiða alla kapla í gegnum stellið sem skilar sér líka í flottri minimalískri hönnun. Orca hjólið tekur allt að 32 mm breið dekk og er fáanlegt með mis djúpum gjörðum 35mm, 45 mm, eða 57 mm allt eftir því hvort verið sé að reyna að halda hjólinu eins léttu og mögulegt er eða að reyna að lágmarka loftmótstöðu. Að lokum er hægt að hanna flestar útgáfur hjólsins í draumalitunum þínum þér að kostnaðarlausu.

Til að sjá nánari upplýsingar um hjólið Skoða nánar