RISE LT H20 2025 - Large

Orbea Rise LT er fulldempað all mountain rafmagnsfjallahjól sem var hannað til að vera létt, lipurt, kraftmikið og með góðri batterí endingu. Hjólið er fáanlegt í bæði carbon útgáfu sem býður upp á að sérhanna alla liti, en einnig í vandaðri ál útgáfu þar sem að suðan er slípuð niður til að láta hjólið líta sem allra best út. Hjólið kemur með kraftmiklum 85NM Shimano mótor og er fáanlegt með 420 WH (1,95 kg) innbyggðu batteríi fyrir þau sem vilja léttara hjól eða 630 WH (2,9 kg) batteríi fyrir þau sem vilja drífa lengra, þar að auki er hægt að kaupa auka utanáliggjandi batterí 210 WH (1,05 kg) fyrir allra lengstu ævintýrin. Þrátt fyrir þessa stærð af batteríum þá er hjólið eitt allra léttasta í flokki léttra rafmagnsfjallahjóla. Rise LT kemur með 64 - 64.5º head angle, en hægt er að stilla það fljótlega með einni skrúfu eftir því hvort þú ert að fara í langt klifur eða langt fjallabrun. Hjólið kemur með 160 mm fjöðrun að framan og 150 mm fjöðrun að aftan, sem gerir það fært í flestar aðstæður, en þar að auki er stellið hannað til að taka við stórum dropper sætispípum allt að 230 mm löngum til að tryggja að sætið er ekki að þvælast fyrir þegar brunað er niður brekkur. Einnig eru allir kaplar þræddir snyrtilega meðfram stýri inn í stellið, hjólið kemur með innbyggðu verkfæri og filmum til að verja stellið á veikustu stöðunum svo eitthvað sé nefnt. Þetta er draumahjól fyrir þau sem vilja létt og krafmikið trail rafmagnsfjallahjól í langa hjólatúra sem hegðar sér eins og venjulegt fjallahjól.

Til að sjá nánari upplýsingar um hjólið Skoða nánar